【Now財經台】美國富商馬斯克(Elon Musk)旗下SpaceX，上周五(12日)登陸納斯達克，首掛升近20%，美伊最新宣布達成和平協議，將會喺周五(19日)喺瑞士簽署，之後會重開霍爾木茲海峽(Strait of Hormuz)，市場氣氛好轉，SpaceX炒風係咪會更熾熱，還是資金未必會高追？
星展銀行(香港)豐盛私人客戶執行董事鄧威信表示，現時SpaceX估值的確高，旗下只有Starlink(星鏈)賺緊錢，其他業務如太空及人工智能(AI)項目燒錢速度驚人，但由於市場氣氛好轉，估計短期會吸引到資金高追，但長期需要有樂觀憧憬，同埋業績有較大改善先可以撐到咁高估值。
Wilson又話，值得留意係，馬斯克旗下xAI狂燒錢，加上AI行業競爭不斷白熱化，而xAI唔係市場龍頭，現金流未必可以長期支撐，不過，預期SpaceX短期仍可吸引市場眼球及資金追逐，投資者不妨跟住短炒。