【Now財經台】聯儲局新主席沃什(Kevin Warsh)上任後首個議息會議結束，一如預期維持利率不變，睇返佢嘅言論及多個舉動，市場共識係沃什偏鷹，會後聲明篇幅亦大縮水，佢又冇提交點陣圖(Dot Plot)預測，到底佢係咪真係鷹派？
上海商業銀行研究部主管林俊泓指，沃什冇好明確話比市場知係屬於鷹派，佢仲留住呢張「底牌」，會後聲明可以話係一個平衡方案，讓鷹、鴿兩派都可以受落，暫時唔存在企喺邊一邊。
Ryan又話，美國2年期債息昨晚(17日)反應幾大，一晚抽升16點子，情況非常罕見，睇返點陣圖變化，雖然美伊簽咗停火協議，油價亦回落，但大部分官員傾向今年加息1至2次，又認為美國經濟強勁，就業市場問題暫可拋諸腦後，呢個同市場期望係背道而馳，佢又相信，市場係因為睇到其他官員嘅點陣圖預測，去推斷沃什嘅立場。
佢續指，聯儲局未來可能唔會再用點陣圖，因為…