【Now財經台】美伊戰事再度惡化，美股3大指數昨晚(9日)個別發展，道指收市升86點，標指及納指就向下，而油價昨晚跌3%，但今早(10日)喺亞洲交易時段反彈，紐約期油最新報每桶88.84美元，倫敦布蘭特期油報92.23美元，油價走勢反覆對美股有咩影響？
泓瀚資本董事盧志威認為，雖然美伊持續爆發衝突，但油價近期一直上唔返100美元以上高位，反映市場可能有新供應，所以未有引發恐慌性「搶油」，因此，暫時毋須太擔心石油庫存問題。佢又提及，即使市場再Price in地緣政治衝突，但由於油價穩定會逐步利好通脹及金融市場，所以道指昨晚可以收高。
William又話，由於依家受美國加息預期升溫﹑美伊戰事拉鋸、大型IPO融資活動等夾撃，而且係負面消息居多，所以好難要求股市只升不跌，佢又估計，美股喺世界盃期間成交將會縮減，而指數會喺高位整固橫行一段時間，表現會較為「牛皮」。