【Now財經台】摩根大通唱好白色家電股，指過去提及呢個行業，就令人聯想到補貼、「以舊換新」等，但認為依家唔應該只睇周期，因為冷暖供應系統及數據中心冷卻技術等，都可以成為增長動力，係咪可以用新視覺或新估值角度去評估家電股？
復星國際資產管理資產管理部投資經理李曉翀認為，要睇收入佔比去做判斷，因為現時新圖形處理器(GPU)機架需要冷卻系統，若白色家電企業喺呢方面嘅技術有新合作及定單，相信市場反應會較好，如果之後有相關公告，可以用「分布估值法」，因為估值彈性好低，過去10年都處於中位數，要再上一層樓有難度，現水平可以話「畀多咗」。
Andrew又話，基於一啲防守性因素，以及短期資金停泊問題，導致現時市況比較波動，若未來市場回暖，係咪仲有咁多資金泊喺白色家電股係一個疑問。