【Now財經台】美國聯儲局將於明日起(16日至17日)一連兩日舉行議息會議，另一方面，美國總統特朗普(Donald Trump)最新宣布將會喺周五(19日)同伊朗簽和平協議，即係聯儲局議息後美伊先簽協議，但只要美伊問題唔再出現變數，係咪有助紓緩通脹憂慮，有利聯儲局利率政策？
華夏基金(香港)國際業務部副總裁李星宇指，其實過往市場覺得會加息只係一個機率，導致期權及金融資產價格變動，但值得留意係，今次係聯儲局新主席沃什(Kelvin Warsh)首度主持議息會議，未知佢係鷹派定鴿派，加上佢喺會後記者會嘅措辭會影響利率價格，因此，Chris認為，今次議息會議係「開盲盒」。
Chris續指，消費物價指數(CPI)數據都會影響加息，睇返美國5月CPI，大數冇咩增長，主要都係能源價格帶動，不過，油價今日(15日)喺亞洲交易時段已去返每桶80美元水平，佢又估計，美國CPI應該已經見頂，所以Chris認為美國今年唔會加息。