【now.com財經】「信仰股」SpaceX走勢近日轉差，股價昨晚(22日)急瀉逾16%，收報154.6美元，已連跌3個交易日，累跌逾23%，市值單日蒸發咗4000億美元，雖然同IPO價135美元比較，仍高逾14%，但唔少小股東已「嗌晒救命」，不過，亦有部分「信徒」冇有怕。值得留意係，「員工股」第1波解禁潮預期8月殺到。
有繼續睇好嘅小股東話，一日唔放、一日未輸，更直言「一跌就溝」，借錢都溝貨。不過，亦有仍揸住SpaceX嘅投資者認為，「冇『信仰』係等唔到股價升上美元呢一日。」。
此外，有睇淡分析認為，投資者對SpaceX嘅唔理性亢奮，最終會爆煲，叫唔好高追。另有意見指，SpaceX過度透支未來，即使股價大冧都唔意外。