【Now財經台】截至早上11時止，過去1小時內《彭博》用戶搜尋量最多港股，依次為復星國際(00656)、 中國石油股份(00857)、中國海洋石油(00883)、比亞迪股份(01211)、中國石油化工股份(00386)。
「三桶油」股價今日(9日)走勢分化，中海油中午收市大升近7%，中石油亦升逾3%，建唔建議依家追入？雖然中石化有庫存升值憧憬，但股價跌4%。
富昌證券聯席董事譚朗蔚指，油價走勢須視乎戰事持續幾耐，但依家已經超買，從交易角度睇，如果依家因預期油價高企追入以上游業務為主嘅中海油，佢認為比較衝動，因為油價升勢由戰事主導而唔係基本面，並受制於整體市況，建議等股價落返26元水平再部署。
Stevan又話，雖然中石化嘅下游業務受油價上升拖累成本，但股價回調緊，建議留意5元至5.2元水平，有貨投資者可以睇多兩日，如果失守5元，必須正視風險，Stevan唔建議盲目撈底，如果後市上返5.2元就較值博。