【Now財經台】美國聯儲局將於下周二(16日)及下周三(17日)議息，將會係新主席沃什(Kelvin Warsh)首次主持聯邦公開市場委員會會議，而外圍其他主要央行中，歐洲央行及英倫銀行將搶閘議息，市場估計，歐央行或會快美國一步加息，如果真係出現呢個情況，會唔會令金融市場出現波動？
ATFX亞太區首席分析師林銘添指，中東戰爭令油價持續高企，通脹壓力升溫，推高全球通脹，佢估計，歐央行及英倫銀行都會加息，要留意會後聲明會唔會預示未來會持續加息，若真係繼續加息，將令全球金融市場出現震盪，更會禍及股市、商品市場等。