【now.com財經】噚日揀咗隻恒指牛(66695)出嚟，皆因見到小時圖噚日首半個鐘低位出咗「Hammer」；但同時安全起見，借返個五分鐘圖向上逐線逐線向上打穩陣啲。
呢注喺文中計雖然都叫正數，但嚴格嚟講扣埋手續費之後其實都只係打個和；作戰室注好倉比較早開出，係見指數反抽上過開市位/10線後就出咗啦。
今朝指數低開105點後，見小時圖SLow STC(14.3)出到觸底上，又24,500有條底線喺度，所以作戰室今朝早都偏向係出好倉。
依家9點43分，指數喺五分鐘同小時圖都有開始出「三角形」嘅走勢，當拎埋個牛熊證街貨圖出嚟，諗住指數再向下時，佢又忽然抽高上返去，將個「三角形」拉返變到「長方形」咁行。
基於未捉到指數方向，所以10點前用paper trade方法嚟試捉指數方向先，呢個「長方形」只得100點高。
10點前終於見到指數向上突破「長方形」頂線，借小時圖底線24,500點嚟出倉最好，不過依家有似將個底線向上移高到24,600點咁。
恒指牛(58230)，收回價24,068點，同現價有約500點距離，槓桿約有44.7倍，企到嚟呢個位主要係避開242同241呢兩層每層有過千張期指街貨嘅重貨牛啫。
爬住格仔先用小時圖10線做上望目標先，企得到過10線咁威嘅話，先至再繼續hold上去啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Book Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。