【now.com財經】美股今年3大人工智能(AI)世紀IPO全球矚目，其中，馬斯克(Elon Musk)旗下SpaceX預期周五(12日)登陸納斯達克，競爭對手Anthropic之前亦已向美國證交會(SEC)秘密遞交咗招股書，至於OpenAI最新亦交咗IPO申請。
OpenAI指，已向SEC秘密提交IPO申請，但上市時間仍未有定案，甚至話公司上市可能仲需要一啲時間，因為有啲事情以私營公司身份推進可能更易，而今次遞交IPO文件，係因為當上市更符合公司利益時，可以有更快速進入公開市場嘅選項。
早前，據外電引述消息報道，估值逾8500億美元嘅OpenAI，力爭今年秋季喺美國掛牌。