【Now財經台】外圍股市收復上周部分失地，倫敦金屬交易所(LME)期銅價格昨晚(8日)一度升逾1%，收市升幅收窄，美國聯聯儲局加息預期升溫，除咗直接衝擊金價，係咪都會對銅價構成壓力？
1uptick Analytics首席分析師杜浩霆指，銅價升主要受上周大跌後出現技術性反彈，部分沽盤獲利平倉帶動，美國期銅上周一度衝上每磅6.5美元水平，其後落返6.2美元，佢認為，現水平都有一定支持。
Perry又話，美元上周走強，但大趨勢上，由於銅價依家同人工智能(AI)發展掛鈎，AI強勁勢頭令機械組件需求大增，帶動銅需求，形成相對緩慢嘅上升通道，只要AI熱潮Keep到，銅價中長線升勢仍然存在。
不過，短線要留意美元風險，技術走勢上，美國原銅啱啱做咗個雙頂形態，頸線大約喺6.2美元至6.3美元，若短期內失守頸線，下一個大位有機會下試5.8美元，要小心市場開始放風，指聯儲局年底會加息超過1次。