【Now財經台】雖然美伊再爆發衝突，但美國總統特朗普(Donald Trump)相信，未來幾日仍可以同伊朗傾掂數，更有消息指，伊拉克及阿聯酋積極開通新運油線路，希望解決霍木茲海峽(Strait of Hormuz)被封鎖問題，油價近期一直上唔返每桶100美元水平，係咪已經見頂？
獨立市場策略師何啟聰認為，油價走勢主要受供應鏈影響，只要霍爾木茲海峽重開，而石油設施可以喺短期內修復，到時油價就會落得好快，佢又相信，油價喺現水平已經見頂。
Ivan強調，油股係基於高油價帶來嘅盈利先會派息，當油價下行，盈利及股息就會跌。佢又認為，堅持追逐油股所得嘅利潤都唔會太多，又估計油股未來都唔會造好，因此，投資者不宜沾手油股。