【Now財經台】甲骨文(Oracle)昨晚(10日)出咗第4季業績，表現好過預期，不過，集團巨額融資計劃倍升至400億美元，盤後股價一度急瀉10%，值得留意係，集團曾經話今年唔使發債集資，股價跌到咁係受咩因素拖累？
東亞證券高級投資策略師陳偉聰指，美國人工智能(AI)企業，尤其係雲計算，之前簽咗好多定單，依家要滿足返客戶需求。此外，電腦記憶體(RAM)、高寬頻記憶體(HBM)等基礎硬件設施價格大升，相關企業要進一步投資新數據中心，導致成本大升，令甲骨文最新融資指引較預期高出1倍，除咗定單多，投資人工智能(AI)成本大增亦係其中一個因素。
Jason續指，甲骨文集資後，中長線投資者就會留意需求係咪可以持續，若公司抽完水後，未來1至2年收入仍錄得較高增長，市場就唔會因為公司集資而畀太低折扣，但值得留意係，現時有好多估值高嘅科技公司進行股權融資，市場資金會被鎖定，加上Oracle財務狀況唔太理想，如果要進一步融資，一定會增加市場憂慮，短期會對股價有負面影響。