【Now財經台】阿里巴巴(09988)股價今日(11日)午後跌勢加劇，大跌6.5%，低見106.1元，阿里除電商業務外，亦有雲業務，市傳內地未來5年斥資2萬億人仔，喺全國興建數據中心，令部分投資者擔心會唔會影響私營企業相關業務，另一方面，阿里旗下「釘釘應用」(Ding Talk)CEO換人，點分析阿里將會面對嘅壓力？
艾德金融執行董事陳政深指，國家投資可能會喺氣氛上帶嚟影響，但實際上唔會對阿里雲業務造成好大威脅，始終阿里的競爭力好強，喺國內外都有崇高地位，認為市場唔需要太擔心，相反，國家投放資金喺數據中心，對整體市場來講係一件好事，除咗中小企可以受惠，亦對整體發展有正面影響。
Ryan續指，阿里股價今日大跌國家政策冇關，亦同「釘釘應用」換CEO冇關，其實市場對新CEO，90後「技術極客」陳宇森評價唔差，相信今次人事變動會有正面影響，股價大跌或同阿里中國業務佔比高，一旦行業出現欠佳嘅風氣，阿里就會受影響。