【Now財經台】SpaceX預期喺美國時間周五(12日)正式喺納斯達克掛牌，定價135美元，值得留意係，SpaceX IPO承銷商表示，美國基於對關鍵技術出口實施限制，禁止香港及內地投資者，包括私人銀行客戶認購SpaceX，美國金融監管上，國家安全成為所有商業活動優先考慮，點睇SpaceX呢個「IPO禁令」？
資深銀行家黃遠輝指，美國一直以國家安全或高機密科技為理由，嚴禁國內或大中華區投資者接觸相關資料，SpaceX主承銷銀行更通知承銷團成員，針對內地及香港投資者，包括私人銀行客戶參與SpaceX IPO，但其實認購SpaceX新股，同國家安全及機密科技外洩完全冇關。
佢又話，其實投資者隨時可以喺二手市場買到美股，所以SpaceX呢個「IPO禁令」根本冇乜作用。